Qirg‘iziston poytaxti Bishkek shahrida sport kurashlari bo‘yicha Osiyo chempionati davom etmoqda.

Bugun musobaqa doirasida erkin kurash bo‘yicha bahslar boshlandi. Avvalroq, bugun musobaqada ishtirok etayotgan besh nafar sportimiz medallar uchun gilamga chiqishi haqida xabar qilgandik.

Hozirgina Osiyo chempionatida erkin kurash bo‘yicha final janglari yakuniga yetdi. Final bahslarda ishtirok etgan ikki sportchimiz Ixtiyor Navro‘zov (-70kg) va Magomed Ibragimov (-97kg) hal qiluvchi jangda raqiblarini mag‘lubiyatga uchratib, Osiyo chempionligini qo‘lga kiritdi.

Mahmudjon Shavkatov (-57kg) va Rashid Qurbonov (-79kg) esa finalda imkoniyatni boy berib, kumush medal bilan kifoyalandilar.

-65kg vazn toifasida bronza medali uchun jang qilgan Temurjon Usmonohunov esa raqibini mag‘lub etib, bronza medali sohibiga aylandi.

Finallar:
-57kg: Mahmudjon Shavkatov - Kum Song Kang (SHimoliy Koreya)
-70kg: Ixtiyor Navro‘zov - Seung Bong Li (Janubiy Koreya)
-79kg: Rashid Qurbonov - Izzatilloh Akbarizorinkolai (Eron)
-97kg: Magomed Ibragimov - Muhammadshafoi Gulih (Eron)

Bronza medali uchun:
-65kg: Timur Usmonohunov - Kukg Vang Kim (SHimoliy Koreya)