Rossiyalik taniqli futbol sharhlovchisi Konstantin Genich bugun bo‘lib o‘tadigan «Barselona» – «Atletiko» o‘yini borasida o‘z taxminlari bilan o‘rtoqlashdi.

Eslatib o‘tamiz, madridiklar hozirda peshqadamdan 5 ochko ortda qolishmoqda. Simeone shogirdlari bugun g‘alaba qozonishsa, jamoalar orasidagi farq 2 ochkoga yetadi.

«Bugun «Atletiko» o‘yinni juda tajavuzkor boshlashini taxmin qilib ko‘rmoqchiman. Mehmonlar birinchi bo‘lib gol urib olishga harakat qilishadi. Men ishonasizmi yoki yo‘qmi, bilmadim, ammo Simeone o‘yinga shunday reja tuzsa kerak. «Atletiko» ilk daqiqalardan «Barselona»ga nisbatan yuqori pressing qo‘llaydi va tez gol urish payida bo‘ladi. Shundan keyin esa ular hisobdan kelib chiqib o‘ynay boshlashadi. Hisobdan kelib chiqib o‘ynashni «Atletiko» uddalaydi» — dedi Genich.