"Barselona" bosh murabbiyi Ernesto Valverde "Atletiko"ga qarshi bo‘ladigan o‘yin oldidan o‘z fikrlarini bildirib o‘tdi.

"Chempionat doirasida oldinda hali uchrashuvlar ko‘p, ammo bunisi haqiqatan ham katta o‘yin. Bu bahsni o‘ziga xos final deb hisoblayman. Agar "Atletiko" g‘alaba qozonsa, ochkolar farqini 2 ochkogacha qisqartiradi. Ularning o‘yin uslubini yaxshi bilamiz. Grizmanning golli o‘yinlar seriyasi? Umid qilaman, Antuan o‘z gollarini keyingi o‘yinlar uchun asrab qo‘ygan.

So‘nggi o‘yinlarda yo‘qotilgan ochkolar? Bu raqib o‘z ishini yaxshi bajarganini anglatadi. Durang o‘ynagan paytingda g‘alaba qozonish qanchalar qiyinligini tushunib yetasan. Bu holat seni yerga tushirib qo‘yadi. Ko‘pchilik bizni oson g‘alabalarga erishyapti, deb o‘ylaydi", – dedi Valverde.

Eslatib o‘tamiz, "Barselona" ushbu mavsumda Primera doirasida hali biror marta mag‘lubiyatga uchramadi.