Bugun Qarshidagi “Markaziy” stadioni anjumanlar zalida, “Nasaf” – “As-Sadd” uchrashuvi oldidan matbuot anjumani bo‘lib o‘tadi. Matbuot anjumanining dastlabki qismida mehmonlar klubi bosh murabbiyi Jezualdu Ferreyra va jamoaning 5-raqamdagi yarim himoyachisi Jugurza Hamrun ishtirok etishdi.

"Bizni yaxshi kutib olishgani uchun mezbonlarga tashakkurimni bildiraman. Biz ertaga bo‘ladigan o‘yinga tayyormiz. O‘yin qiziqarli bo‘lishini oldindan aytishim mumkin.

Tarkibimizda ayrim yo‘qotishlar bor. Masalan Xavini Qarshiga olib kelmadik, uning jarohati bor. Ammo jamoamizda maydonga tushadigan futbolchilar yetarli, ular o‘yinga tayyor.

Jamoamizda ruhiy holat joyida. Chempionatimizning bo‘lib o‘tgan o‘yinida mag‘lub bo‘ldik, bu mag‘lubiyat alamli bo‘ldi, lekin OCHL o‘yinlarida natijalarimiz yaxshi. Oldimizda qiyin o‘yinlar kutib turibdi. Ammo bo‘lajak o‘yinlarda ham ijobiy natijalarga erishishga harakat qilamiz.

Biz “Nasaf”ning o‘yinlarini ko‘rib chiqdik, ya’ni o‘rganib chiqdik. Raqibimiz himoyadan hujumlarga tez o‘tadigan o‘yin ko‘rsatadi. Jamoamizda bir falsafa shakllangan, bu ham bo‘lsa, har bir uchrashuvda ko‘proq gol urish.

Guruhimizdan kuchli jamoalar joy olishgan. O‘tgan uchrashuvlarda 6 ochko to‘plagan bo‘lsakda, o‘zimizni yetakchi hisoblamay olmaymiz. Oldinda muhim o‘yinlar bor. Raqibimiz “Nasaf” ham shunday kuchli jamoa hisoblanadi. Mana sizlarda milliy chempionat start oldi. Demak, raqibimiz “Nasaf”ning ham borgan sari o‘yinlari kuchayib boraveradi", — dedi Jezualdu Ferreyra.

"Ertaga bizni qiyin o‘yin kutib turibdi, bu o‘yinga yaxshi tayyorgarlik ko‘rdik. Jamoadoshlarim o‘yinga tayyor, ertaga g‘alaba uchun maydonga tushamiz. O‘zbek futbolidan yaxshi xabarim bor. Masalan Sardor Rashidov bizni chempionatda to‘p tepgan. Ammo men raqibning qanday kuchga egaligiga e’tibor bermayman. Biz uchun raqib kim bo‘lishini unchalik ahamiyati yo‘q", — dedi Jugurza Hamrun.