"Co‘g‘diyona” jamoasining Superligada ishtirok etayotganligi Jizzaxlik futbol ishqibozlarni quvontirgani shubhasiz. «So‘g‘diyona» PFK rahbariyati joriy mavsumda muxlislarga qulaylik yaratish maqsadida ish olib bormoqda.
Klub raxbariyati «Neftchi»ga qarshi bo‘lib o‘tadigan o‘yin oldidan ajoyib yangilik xaqida xabar beradi. Ya’ni bu mavsumda «So‘g‘diyona» uy uchrashuvlarini bevosita stadiondan turib tomosha qilish istagida bo‘lgan yurtdoshlarimiz uchun chiptalar narxi 5000 so‘m, bolalar uchun esa 2000 so‘m etib belgilandi. Bu hali hammasi emas. Ushbu mavsum davomida siz «So‘g‘diyona» jamoasining uy uchrashuvlarni tomosha qilish uchun stadionga bepul kirish imkoniyatiga ham ega bo‘lishingiz mumkin. Buning uchun «So‘g‘diyona»ning rasmiy ijtimoiy tarmoqlarida jamoa tarixiga oid savollarga javob topishingiz kerak bo‘ladi. Savollarga javob topib chiptalar hamda sovg‘alarga ega bo‘lishingiz mumkin.
Savollar klubning ijtimoiy tarmoqlardagi sahifalari orqali e’lon qilinadi.
«So‘g‘diyona» matbuot xizmati
