"Cўғдиёна” жамоасининг Суперлигада иштирок этаётганлиги Жиззахлик футбол ишқибозларни қувонтиргани шубҳасиз. «Сўғдиёна» ПФК раҳбарияти жорий мавсумда мухлисларга қулайлик яратиш мақсадида иш олиб бормоқда.

Клуб рахбарияти «Нефтчи»га қарши бўлиб ўтадиган ўйин олдидан ажойиб янгилик хақида хабар беради. Яъни бу мавсумда «Сўғдиёна» уй учрашувларини бевосита стадиондан туриб томоша қилиш истагида бўлган юртдошларимиз учун чипталар нархи 5000 сўм, болалар учун эса 2000 сўм этиб белгиланди. Бу ҳали ҳаммаси эмас. Ушбу мавсум давомида сиз «Сўғдиёна» жамоасининг уй учрашувларни томоша қилиш учун стадионга бепул кириш имкониятига ҳам эга бўлишингиз мумкин. Бунинг учун «Сўғдиёна»нинг расмий ижтимоий тармоқларида жамоа тарихига оид саволларга жавоб топишингиз керак бўлади. Саволларга жавоб топиб чипталар ҳамда совғаларга эга бўлишингиз мумкин.

Саволлар клубнинг ижтимоий тармоқлардаги саҳифалари орқали эълон қилинади.

«Сўғдиёна» матбуот хизмати