Yevropa chempionlar ligasi 1/8 finali doirasidagi bugungi bahlar o‘z poyoniga yetdi.

Jumladan, «Uembli» stadionida «Yuventus»ni qabul qilgan «Tottenxem» 1:2 hisobida mag‘lubiyatga uchradi. Uchrashuv boshidan mezbonlar nazorati ostida kechayotgandek edi va bu gol bilan tasdiqlangandek ham bo‘lgandi. Aniqrog‘i, uchrashuvning 31-daqiqasida «shporlar» hisobni ochishga muvaffaq bo‘lishgandi.

Ammo ikkinchi bo‘limda barchasi o‘zgardi. Yevrokuboklarda raqibidan ancha tajribali bo‘lgan turinliklar kerakli pallada o‘yinlarni kuchaytirib, 3 daqiqa ichida ikki gol kiritishdi va hisobni o‘zlari uchun qulay ko‘rinishga keltirishdi.

Uyog‘iga esa asosiy e’tiborni himoyaga qaratib, o‘z maqsadlariga erishishdi.

Ma’lumot uchun, mazkur qarama-qarshilikning birinchi o‘yinida 2:2 hisobi qayd etilgandi.

YECHL. 1/8 FINAL

TOTTENXEM — YUVENTUS – 1:2 (1:0)

Gollar: 1:0 – 39 Son Xyon Min, 1:1 – 64 Iguain, 1:2 – 67 Dibala.

Tottenxem: Lyoris, Vertongen, Devis, Trippyer, Sanches, Eriksen, Dayer (Lamela, 74), Dembele, Alli (Lyorente, 86), Son Xin Min, Keyn.

Yuventus: Buffon, Bardzali, Aleks Sandro, Benatiya (Lixtshtayner, 61), Kyellini, Xedira, Matyuidi (Asamoa, 60), Pyanich, Duglas Kosta, Dibala, Iguain (Sturaro, 83).

Ogohlantirishlar: Vertongen (28), Aleks Sandro (35), Pyanich (44), Benatiya (49), Kyellini (53), Alli (56), Dembele (88).