«Arsenal»ning sobiq futbolchisi Ian Rayt «kanonirlar»ni o‘z o‘yinlarini tezda yaxshilashga chaqirmoqda. Ular bu borada jiddiy bosh qotirishlari shart.
«Afsuski, «Arsenal»ning ayni holati juda murakkab. Chunki tarkibda avvalo, o‘zlari, qolaversa murabbiy uchun jon kuydiradigan futbolchilar yo‘q. Venger ko‘plab yigitlarga ishonch bildirdi, ammo hammalari uni shunchaki, uyaltirib qo‘yishdi va uyaltirmoqdalar.
Achinarli tomoni, bu murabbiy uchun hammasi tugayotganini anglatadi. Ammo omadsizliklar uchun futbolchilar bosh aybdor sanalishadi. Binobarin, ular Venger mehri va boshqarish usulini ojizlikka yo‘ydilar.
Qarang, futbolchilarda na mas’uliyat bor va na javobgarlik hissi. Ishonamanki, qachondir umumiy vaziyat o‘zgaradi, axir «Arsenal» ajoyib tarixga ega. To‘g‘ri, hozirgi holatiga faqat achinish mumkin - naqadar yomon davr...», - dedi Rayt.
