«Arsenal» klubi bosh murabbiyi Arsen Venger Yevropa ligasi 1/8 final «Milan» jamoasi ustidan qozonilgan g‘alaba (0:2) haqida gapirib o‘tdi.

«Albatta, bizda bo‘lgan dahshatli haftadan keyin muhim g‘alabaga erishdik. Zafar quchish muhim, biroq bu keyingi bosqichga chiqdik degani emas. Biz ishni uyda yakuniga yasashimiz lozim. Men bizning jamoa ko‘rsatgan irodadan ko‘nglim to‘ldi.

Biz bugun tavakkal qiladigan ahvolda emas edik. Juda ham diqqat bilan o‘ynash ham yaramaydi, chunki jamoa harakati cheklanib qoladi. O‘yin oxiriga qadar yaxshi himoyalandik.

Kubok finalida o‘ynar ekansan, buni bir necha kun ichida anglash qiyin. Biz bokschi singari nokdaun holatiga tushib qolgan edik va javob qaytara oldik. G‘urur va o‘z mahoratimizni ko‘rsatish tuyg‘usi o‘yin davomida shakllanib bordi», - deydi fransiyalik mutaxassis.