“Manchester Yunayted” ustozi Joze Mourinyo markaziy yarim himoya chizig‘ini kuchaytirish haqida o‘ylamoqda. Birinchidan, mavsum yakunlangach Maykl Karrik faoliyatini yakunlaydi. Qolaversa, Fellayni ham klubni tark etishi mumkin.
Ayni damda “MYU”ning uchta mo‘ljali bor — “Real” a’zosi Toni Kroos, “PSJ” yarim himoyachisi Marko Verratti va “Bavariya” futbolchisi Arturo Vidal. Mourinyo aynan Vidalga eng qulay variant sifatida qaramoqda, chunki Goreskani xarid qilib bo‘lgan Myunxen klubi Vidalni sotib yuborishi mumkin.
Shuningdek, agar klub xo‘jayinlari Kroos va Verrattining transfer narxini to‘lashga rozi bo‘lsa, ikkala futbolchi ham “qizil iblislar” safiga o‘tishi mumkin.
