“Манчестер Юнайтед” устози Жозе Моуриньо марказий ярим ҳимоя чизиғини кучайтириш ҳақида ўйламоқда. Биринчидан, мавсум якунлангач Майкл Каррик фаолиятини якунлайди. Қолаверса, Феллайни ҳам клубни тарк этиши мумкин.
Айни дамда “МЮ”нинг учта мўлжали бор — “Реал” аъзоси Тони Кроос, “ПСЖ” ярим ҳимоячиси Марко Верратти ва “Бавария” футболчиси Артуро Видаль. Моуриньо айнан Видалга энг қулай вариант сифатида қарамоқда, чунки Горецкани харид қилиб бўлган Мюнхен клуби Видални сотиб юбориши мумкин.
Шунингдек, агар клуб хўжайинлари Кроос ва Верраттининг трансфер нархини тўлашга рози бўлса, иккала футболчи ҳам “қизил иблислар” сафига ўтиши мумкин.
