Superliganing 2-turidan o‘rin olgan “Bunyodkor” – “Paxtakor” (1:0) o‘yinidan so‘ng, mehmonlar ustozi Shota Arveladze va yarim himoyachi Jaloliddin Masharipov o‘z fikrlarini bildirishdi.
“Paxtakor” o‘yin oxirida mag‘lubiyatdan qutulib qolishi mumkin edi. Biroq, Jasur Hakimov penaltini aniq amalga oshira olmadi. Uning zarbasidan so‘ng, darvozabon Murod Zuxurov to‘pni ushlab qolishga erishdi.
Arveladze: Biz 90 daqiqa raqibdan kuchlilik qildik, o‘yinni to‘liq nazoratimizga oldik. Ko‘plab imkoniyatlardan foydalanmadik. Ba’zida futbolda shunday bo‘lib turadi. Eng yaxshi jamoa yutavermaydi.
Futbolda ba’zan kimdir to‘pga ko‘proq tegadi, boshqasi esa yo‘q. Ularni shu jihatlar ajratib turadi. O‘yin taraflama yaxshi ko‘rindik, ammo yakunlashda xatolar qildik. Mavsum endi boshlandi, o‘yinimizni kuchaytirib boramiz
Futbolda o‘zi eng qiyini gol urish. Ko‘proq to‘p kiritgan yutadi. Vaziyatlarni yakunlash borasida ishlayapmiz, mashg‘ulotlarda barcha mehnat qilmoqda.
Penaltini nega Hakimov tepdi? O‘sha holatda kim o‘zini tayyor sezsa, u to‘pga yaqinlashadi.
Masharipov: - Biz juda yaxshi harakat qildik. O‘yinni boshqardik, vaziyatlar yaratdik. Biroq vaziyatlarni yakunlashda xatoga yo‘l qo‘ydik. Mag‘lubiyatdan ko‘ra yaxshiroq natijaga arzirdik”, - deya so‘zlarini yakunladi Masharipov.
