RFI birinchi vise-prezidenti Nikita Simonyan Buyuk Britaniyaning barcha ittifaqchilari bilan Rossiyada o‘tadigan JCH-2018 musobaqasini boykot qilish borasida harakatlariga munosabatini bildirdi.

"Ular o‘z vaqtida "sport siyosatdan holi" deb qichqiradilar. Hozir esa o‘zlari sportdan siyosat yasab oldilar. Skripalni kim zaharlagani hali aniqlanmagan. Buyuk Britaniya ortidan Yaponiya, Polsha va Avstraliya ergashmoqda. Bunga faqat ajablanish mumkin.

Mayli, bu mamlakatlar boykot qilishsin, hechqisi yo‘q. Ularning o‘rniga boshqalari keladilar. Jahon chempionati ularsiz ham o‘tadi.

Men 2010 yilda jahon chempionati mezbonini aniqlash marosimida bo‘lganman. Yozef Blatter Rossiyani e’lon qilganida u yerda o‘tirgan Devid Bekhem va Bobbi Charltonning yuzlariga qarash achinarli edi, ular oqarib ketgan edi.

Axir FIFAning siyosati butun dunyoda futbolni rivojlantirish-ku. Bizda harcha infrastruktura shay. Shuning uchun bu narsa angliyaliklarning egoizmidan boshqa narsa emas. Shuning uchun, ishtirok etmasangiz ham, sizlarsiz ham jahon chempionati o‘tadi, janoblar", - deydi Simonyan.