РФИ биринчи вице-президенти Никита Симонян Буюк Британиянинг барча иттифақчилари билан Россияда ўтадиган ЖЧ-2018 мусобақасини бойкот қилиш борасида ҳаракатларига муносабатини билдирди.
"Улар ўз вақтида "спорт сиёсатдан ҳоли" деб қичқирадилар. Ҳозир эса ўзлари спортдан сиёсат ясаб олдилар. Скрипални ким заҳарлагани ҳали аниқланмаган. Буюк Британия ортидан Япония, Польша ва Австралия эргашмоқда. Бунга фақат ажабланиш мумкин.
Майли, бу мамлакатлар бойкот қилишсин, ҳечқиси йўқ. Уларнинг ўрнига бошқалари келадилар. Жаҳон чемпионати уларсиз ҳам ўтади.
Мен 2010 йилда жаҳон чемпионати мезбонини аниқлаш маросимида бўлганман. Йозеф Блаттер Россияни эълон қилганида у ерда ўтирган Дэвид Бэкҳэм ва Бобби Чарльтоннинг юзларига қараш ачинарли эди, улар оқариб кетган эди.
Ахир ФИФАнинг сиёсати бутун дунёда футболни ривожлантириш-ку. Бизда ҳарча инфраструктура шай. Шунинг учун бу нарса англияликларнинг эгоизмидан бошқа нарса эмас. Шунинг учун, иштирок этмасангиз ҳам, сизларсиз ҳам жаҳон чемпионати ўтади, жаноблар", - дейди Симонян.
