“Tottenxem” klubi bosh murabbiyi Maurisio Pochettino “Bornmut”ga qarshi o‘yindan (4:1) so‘ng o‘z fikrlarini bildirib o‘tdi.
“Bugungi g‘alabadan juda ham xursandman. Jamoa YECHLdagi muvaffaqiyatsizlikdan keyin yana xursand bo‘ldi. Raqib o‘yinni yaxshi boshlab, bizga muammolar keltirib chiqardi.
Keynning jarohati? U ertaga tibbiy ko‘rikdan o‘tadi. Xarrining bugun jarohat olgan a’zosida avvaldan ham biroz og‘riq bor edi. Umid qilamanki, Keynning jarohati u qadar jiddiy emas. Yangi ma’lumotlar haqida ertaga aniq xabardor bo‘lamiz.
Keyn bugungi o‘yin uchun yuqori kayfiyat jamlay olgandi. Undagi kuchli xarakterga tan beraman. Xarri jamoa g‘alabasidan xursand, ammo jarohatidan xafa bo‘ldi”, – deydi Pochettino.
