“Тоттенхэм” клуби бош мураббийи Маурисио Почеттино “Борнмут”га қарши ўйиндан (4:1) сўнг ўз фикрларини билдириб ўтди.

“Бугунги ғалабадан жуда ҳам хурсандман. Жамоа ЕЧЛдаги муваффақиятсизликдан кейин яна хурсанд бўлди. Рақиб ўйинни яхши бошлаб, бизга муаммолар келтириб чиқарди.

Кейннинг жароҳати? У эртага тиббий кўрикдан ўтади. Харрининг бугун жароҳат олган аъзосида аввалдан ҳам бироз оғриқ бор эди. Умид қиламанки, Кейннинг жароҳати у қадар жиддий эмас. Янги маълумотлар ҳақида эртага аниқ хабардор бўламиз.

Кейн бугунги ўйин учун юқори кайфият жамлай олганди. Ундаги кучли характерга тан бераман. Харри жамоа ғалабасидан хурсанд, аммо жароҳатидан хафа бўлди”, – дейди Почеттино.