“Manchester Yunayted” klubi bosh murabbiyi Joze Mourinyo Frank de Burning tanqidlariga o‘zgacha javob qaytardi.
“Kristal Pelas” klubining sobiq bosh murabbiyi Frank de Bur avvalroq “Markus Reshford haqida: “Reshfordga o‘zini ko‘rsatishi uchun ko‘proq o‘yin amaliyoti kerak, afsuski, uning murabbiyi – Mourinyo”, - degan edi.
Portugaliyalik murabbiy esa: “De Bur – APL tarixidagi eng yomon murabbyilardan biri, agar u Reshfordga futbol o‘ynashni o‘rgata olganida, bu ishni allaqachon amalga oshirgan bo‘lardi”, - deya javob qaytardi.
Eslatib o‘tamiz, Frank de Bur “Kristal Pelas” postidan mavsum boshida bo‘shatilgandi. Londonliklar de Bur qo‘l ostida 7 o‘yinning barchasida mag‘lub bo‘lishgan. To‘plar nisbati 0:17.
