“Манчестер Юнайтед” клуби бош мураббийи Жозе Моуриньо Франк де Бурнинг танқидларига ўзгача жавоб қайтарди.

“Кристал Пэлас” клубининг собиқ бош мураббийи Франк де Бур аввалроқ “Маркус Рэшфорд ҳақида: “Рэшфордга ўзини кўрсатиши учун кўпроқ ўйин амалиёти керак, афсуски, унинг мураббийи – Моуриньо”, - деган эди.

Португалиялик мураббий эса: “Де Бур – АПЛ тарихидаги энг ёмон мураббйилардан бири, агар у Рэшфордга футбол ўйнашни ўргата олганида, бу ишни аллақачон амалга оширган бўларди”, - дея жавоб қайтарди.

Эслатиб ўтамиз, Франк де Бур “Кристал Пэлас” постидан мавсум бошида бўшатилганди. Лондонликлар де Бур қўл остида 7 ўйиннинг барчасида мағлуб бўлишган. Тўплар нисбати 0:17.