Bugun “Al Sadd” – “Nasaf” uchrashuvi oldidan matbuot anjumani bo‘lib o‘tdi. Matbuot anjumanining dastlabki qismida “Nasaf” yarim himoyachisi Aziz G‘aniyev ishtirok etib, o‘z fikrlarini bildirib o‘tdi.
“Biz ertaga bo‘ladigan o‘yinga yaxshi tayyorgarlik ko‘rdik. Raqibimizning qanday o‘yin ko‘rsatishi bizga ma’lum. “Al Sadd”ning kuchli hujumchilari bor. Biz raqibimizni hurmat qilgan holda ijobiy natijani qo‘lga kiritish urinamiz. Muxlislarimiz bizdan shuni kutishmoqda.
Xaviga qarshi o‘ynash? Xavidek futbolchiga qarshi o‘ynash har bir futbolchi uchun sharaf. Biz Xavini Qarshida kutgan edik. Ammo u kelmadi. Takror aytaman, raqibimiz safida kim o‘ynashidan qat’iy nazar, biz ertaga ijobiy natijani qo‘lga kiritish uchun o‘ynaymiz”, - dedi G‘aniyev.
