“Chelsi” klubi bosh murabbiyi Antonio Konte “Barselona”ga qarshi uchrashuv oldidan o‘z fikrlarini bildirib o‘tdi.

“Kamp Nou” — fantastik stadion. O‘ylaymanki, bu maydonda o‘ynash jarayonida har bir futbolchini hayajon bosishi tabiiy. “Chelsi”ning ko‘plab futbolchilari bu maydonda birinchi marta o‘ynashadi. Shuning uchun bugungi o‘yinda qiyinchiliklarga duch kelishlari mumkin.

Birinchi o‘yinda yaxshi o‘yin ko‘rsatdki va dunyoning eng yaxshi jamoasiga munosib qarshilik ko‘rsata oldik. To‘g‘ri, birinchi o‘yin natijasi “Barselona”ga biroz bo‘lsada ishonch bag‘ishlaydi. Ammo shunda ham ular g‘alaba uchun maydonga tushishlari aniq. Shunchaki konsentrasiyani saqlay olishimiz zarur. Biz bu turnirda qolishga majburmiz. Agar keyingi bosqichga chiqishni istasak, har bir yuzaga kelgan vaziyatdan to‘g‘ri foydalanishimiz kerak”, — dedi Konte.

Eslatib o‘tamiz, “Barselona” – “Chelsi” uchrashuvi Toshkent vaqti bilan 00:45 da boshlanadi.