“Chelsi” klubi bosh murabbiyi Antonio Konte “Barselona”ga qarshi o‘yindan so‘ng fikrlarini bildirib o‘tdi.
“Bugun o‘yin taqdirini Lionel Messi hal etdi. Biz dunyoning eng yaxshi futbolchisi haqida gapiryapmiz.
“Chelsi”ga har ikki o‘yinda ham omad yetishmadi. To‘rt marta darvoza to‘sini zarbalarimizni qaytardi. “Barselona” birinchi bo‘lib, gol urdi.
Ular har bir vaziyatni gol bilan yakunlashga o‘rganishgan. Ko‘plab vaziyatlar yaratdik, ammo foydalana olmadik. Messi har yili 60 ta gol uradi. Gap bu yerda top-igrok emas, balki, super top-igrok haqida ketmoqda. Hammasi u bilan bog‘liq bo‘lib qoldi.
Afsuslanayotganimiz yo‘q, chunki yigitlar bugun barcha kuchlarini sarflashdi. Ammo 3:0 hisobiga rozi emasman.
Men turgan joydan ko‘rganingizda Alonso yiqilgan vaziyatda penalti belgilagan bo‘lar edingiz. Nima ham qila olardik, endi yakshanba kungi “Lester”ga qarshi o‘yinga tayyorlanamiz”, – dedi Konte.