“Челси” клуби бош мураббийи Антонио Конте “Барселона”га қарши ўйиндан сўнг фикрларини билдириб ўтди.

“Бугун ўйин тақдирини Лионель Месси ҳал этди. Биз дунёнинг энг яхши футболчиси ҳақида гапиряпмиз.

“Челси”га ҳар икки ўйинда ҳам омад етишмади. Тўрт марта дарвоза тўсини зарбаларимизни қайтарди. “Барселона” биринчи бўлиб, гол урди.

Улар ҳар бир вазиятни гол билан якунлашга ўрганишган. Кўплаб вазиятлар яратдик, аммо фойдалана олмадик. Месси ҳар йили 60 та гол уради. Гап бу ерда топ-игрок эмас, балки, супер топ-игрок ҳақида кетмоқда. Ҳаммаси у билан боғлиқ бўлиб қолди.

Афсусланаётганимиз йўқ, чунки йигитлар бугун барча кучларини сарфлашди. Аммо 3:0 ҳисобига рози эмасман.

Мен турган жойдан кўрганингизда Алонсо йиқилган вазиятда пенальти белгилаган бўлар эдингиз. Нима ҳам қила олардик, энди якшанба кунги “Лестер”га қарши ўйинга тайёрланамиз”, – деди Конте.