Mamlakat milliy chempionati Superligasida bugun yoshlar tarkiblari o‘rtasidagi bahsni “Metallurg” – “Qo‘qon 1912” jamoalari Bekobod shahridagi A.Anoxin nomidagi stadionda boshlab berishdi. Dastlabki ikki turdagi g‘alabadan ruhlangan yigitlarimiz bu safar ham muxlislarni xursand etishga jiddiy bel bog‘lashgandi, buning uddasidan chiqishdi. Birinchi bo‘limning o‘zidayoq mehmonlar darvozasiga ikkita to‘p kiritib olgan metallurgchilar yakunda o‘z darvozalari dahlsizligini saqlab qolishdi va uchinchi g‘alabalarini rasmiylashtirishdi.
Bevosita o‘yin tafsilotlariga to‘xtaladigan bo‘lsak, kun bo‘yi yoqqan yomg‘ir o‘yinning sifatiga ta’sir etmasdan qolmadi. Aksariyat vaziyatlarda yosh futbolchilar sirpanqich to‘pni o‘zlariga bo‘ysundirishga qiynalishdi. Bu ayniqsa birinchi taymda yaqqol sezildi. Bunday ob-havo sharoitidagi maydonga birinchi bo‘lib mezbonlar moslashishdi. Qolaversa, mavsum arafasida asosiy tarkib a’zolari orasida shug‘ullangan 4-5 yoshlarimiz maydonda boshqalardan yaqqol ajralib turishdi. Ayniqsa, himoya chizig‘i vakillari – Xudoyshukur Sattorov, Andrey Shipilov, Abror Toshqo‘ziyev singari yoshlarimiz o‘z vazifalari qolib, hujumchilar ishini ham bekamu ko‘st bajarishdi. 32-daqiqada Abror Toshqo‘ziyev muvaffaqiyat qozongan bo‘lsa, hakam tomonidan birinchi bo‘limga qo‘shib berilgan kompensasiya vaqtida Xudoyshukur Sattorov standart vaziyatdan unumli foydalandi.
Shunday qilib, uchta uchrashuvdan so‘ng yuz foizlik natija qayd etib turgan Artyom Petrosyan shogirdlari Yoshlar ligasida yakka peshqadam bo‘lib turibdi.
Yoshlar ligasi
3-tur
«Metallurg» - “Qo‘qon-1912” – 2:0 (2:0)
Bosh hakam: B. Yulcharayev
Gollar: A.Toshqo‘ziyev, 32, X.Sattorov, 45.
“Metallurg”: 25. Temur To‘ychiyev, 4. Adrey Shipilov, 5. Abduvohid G‘ulomov, 7. Jamshid Yusupov, 8. Abdulboriy Olimov, 10. Doniyor Hoshimov, 11. Muhammad Sultonov, 13. Abdullox Ikromov, 14. Ahror Toshqo‘ziyev, 17. Sarvar Sattorov, 20. Xudoyshukur Sattorov.
Zaxira: 50. Akobir Qayumov, 2. Farrux Sodiqov, 6. Jasur Rustamov, 9. Husniddin Saloydinov, 16. Asliddin Abdurahmonov, 18. Mahmudjon Norqo‘ziyev, 19. Ibrohim Turg‘unboyev.
“Qo‘qon-1912”: 30 Islom Abdullayev, 4. Islom Toshpo‘latov, 5. Ibrohim G‘ofurov, 10. Ibrohim Muxtorov, 11. Muslim Qurbonov, 14. Avaz Mamatxo‘jayev, 17. Dilshod Baratov, 18. Doston Meliqo‘ziyev, 25. Ismoil Oxunjonov, 97. Oybek Rustamov, 98. Saveliy Abramov.
Zaxira: 12. Muhammadali Sobirov, 8. Baxtiyor Abdubannonov, 9. Ramzbek Isaqov, 23. Mo‘min Sodiqjonov, 26. Ismoil Tolipov, 70. Avaz Yusufjonov, 85. Ibrohim Usmonov.
