Avvalroq, Superliganing 3-turidan o‘rin olgan “Metallurg” – “Qo‘qon-1912” uchrashuvi Olmaliqdagi stadionda bo‘lib o‘tishi haqida xabar berilgandi. Ammo bugun “Metallurg” Matbuot xizmati ushbu xabar tasdig‘ini topmagani va o‘yin Bekobod shahridagi stadionda bo‘lib o‘tishi haqida ma’lum qildi.
“Qadrli futbol ixlosmandlari! Asosiy tarkiblari o‘rtasidagi o‘yin Olmaliq shahrida bo‘ladi degan biroz noaniq axborotimiz uchun uzr so‘raymiz!
O‘zbekiston futbol assosiasiyasi Professional futbol ligasining talabi va tavsiyasiga binoan o‘yin faqat Bekobod shahrida, belgilangan vaqtida o‘tkaziladi.
Demak, 16 mart kuni soat 18:00 dan siz azizlarni "Metallurg" stadionida kutamiz! Futbolchilarimizni qo‘llab quvvatlaymiz, stadionni to‘ldirib, o‘yinning bayramona tarzda o‘tishini ta’minlaymiz. Keling, ko‘ring, zavqlaning! Dam olib, hordiq chiqaring!”, - deyiladi “Metallurg” klubi Matbuot xizmati xabarida.
