Аввалроқ, Суперлиганинг 3-туридан ўрин олган “Металлург” – “Қўқон-1912” учрашуви Олмалиқдаги стадионда бўлиб ўтиши ҳақида хабар берилганди. Аммо бугун “Металлург” Матбуот хизмати ушбу хабар тасдиғини топмагани ва ўйин Бекобод шаҳридаги стадионда бўлиб ўтиши ҳақида маълум қилди.
“Қадрли футбол ихлосмандлари! Асосий таркиблари ўртасидаги ўйин Олмалиқ шаҳрида бўлади деган бироз ноаниқ ахборотимиз учун узр сўраймиз!
Ўзбекистон футбол ассоциацияси Профессионал футбол лигасининг талаби ва тавсиясига биноан ўйин фақат Бекобод шаҳрида, белгиланган вақтида ўтказилади.
Демак, 16 март куни соат 18:00 дан сиз азизларни "Металлург" стадионида кутамиз! Футболчиларимизни қўллаб қувватлаймиз, стадионни тўлдириб, ўйиннинг байрамона тарзда ўтишини таъминлаймиз. Келинг, кўринг, завқланинг! Дам олиб, ҳордиқ чиқаринг!”, - дейилади “Металлург” клуби Матбуот хизмати хабарида.
