“Tottenxem” yetakchilaridan biri Son Xyon Min 2019-2020 va 2020-2021 yillardagi mavsumlarni o‘tkazib yuborishi mumkin. Chunki u harbiy xizmatga chaqirilish arafasida turibdi.
Janubiy Koreya qonunlariga ko‘ra, har bir yigit 28 yoshgacha harbiy xizmatni o‘tashi kerak. Harbiy xizmat muddati esa 21 oyga teng. Son Xyon Min 2019 yil iyulida 26 yoshga to‘ladi, demak, u harbiy xizmatga borishga majbur bo‘ladi.
Biroq Janubiy Koreya hukumati futbolchini armiyadan ozod qilishi ham mumkin, faqat buning uchun Janubiy Koreya terma jamoasi Son Xyon Min bilan birga jahon chempionati yarim finaligacha borishi, 2018 yili Osiyo o‘yinlarida g‘olib bo‘lishi yoki 2019 yilgi Osiyo kubogini qo‘lga kiritishi kerak bo‘ladi.
