“Тоттенхэм” етакчиларидан бири Сон Хён Мин 2019-2020 ва 2020-2021 йиллардаги мавсумларни ўтказиб юбориши мумкин. Чунки у ҳарбий хизматга чақирилиш арафасида турибди.
Жанубий Корея қонунларига кўра, ҳар бир йигит 28 ёшгача ҳарбий хизматни ўташи керак. Ҳарбий хизмат муддати эса 21 ойга тенг. Сон Хён Мин 2019 йил июлида 26 ёшга тўлади, демак, у ҳарбий хизматга боришга мажбур бўлади.
Бироқ Жанубий Корея ҳукумати футболчини армиядан озод қилиши ҳам мумкин, фақат бунинг учун Жанубий Корея терма жамоаси Сон Хён Мин билан бирга жаҳон чемпионати ярим финалигача бориши, 2018 йили Осиё ўйинларида ғолиб бўлиши ёки 2019 йилги Осиё кубогини қўлга киритиши керак бўлади.
