Superliganing 3-turi doirasida "Metallurg" o‘z maydonida "Qo‘qon-1912"ni qabul qildi. Bugungi o‘yinga bo‘lgan qiziqish juda yuqori edi.

Uchrashuv mezbonlar uchun omadli boshlandi. O‘yinning 2-daqiqasida bekobodliklar uyushtirgan hujum natijasida Suhrob Nurulloyev hisobni ochdi.

5-daqiqada mehmonlar vakili Suhrob Berdiyevda yaxshi vaziyat vujudga kelgandi. Biroq uning zarbasiga biroz aniqlik yetishmadi. 12-daqiqada Marko Milichning bosh bilan zarbasidan keyin tup darvoza ustini yonginasidan o‘tib ketdi. 23-daqiqada Murod Xolmuhammedovning kuchli zarbasini mezbonlar posboni katta qiyinchilik bilan qaytarib qoldi. Ushbu vaziyatda Zafar Safoyev maydon egalarini muqarrar goldan qutqardi.

Bahsning 36-daqiqasida mezbonlar ikkinchi golni urishgandi. Zabihullo O‘rinboyev o‘yindan tashqari holatda qolib ketgan deb topildi va gol inobatga olinmadi.

Ikkinchi taymni qo‘qonliklar ancha faol boshlashdi. 48-daqiqada Berdiyevnning zarabsi salgina noaniq ko‘rinish oldi. 57-daqiqada raqib darvozasi oldida yana bir shiddatli hujum tashkil etdik. “Metallurg” muqarrar goldan qutilib qoldi, to‘p darvoza ustiniga tegib qaytdi. Oradan ikki daqiqa o‘tib yana mezbonlar to‘p kiritishgandi. Ammo bu safar ham bekobodlikllar futbolchisi ofsaydda qolib ketgandi.

81-daqiqada maydon egalari ikkinchi bor gol urishlari mumkin edi. Zabixullo O‘rinboyev yakkama-yakka vaziyatdan foydalana olmadi. Oradan bir daqiqa o‘tib endi Otaqo‘ziyev yaxshi vaziyat yuzaga keldi.

Qolgan daqiqalarda "Qo‘qon-1912" katta kuch bilan hujumga zo‘r berdi. Ammo mezbonlar darvoza daxlsizligini saqlab qolishga muvaffaq bo‘ldi. Natijada "Metallurg" o‘z ochkolarini 5taga yetkazib, jadvalda 1-o‘ringa ko‘tarilib oldi.

Superliga, 3-tur
“Metallurg” – “Qo‘qon-1912” – 1:0
Gol: Suhrob Nurulloyev – 2.
«Metallurg»: 1. Zafar Safoyev, 5. Abbos Otaxonov, 7. Suhrob Nurulloyev (17. Javohir Sohibov-75), 8. Shahzod Shaymanov, 9. Zabuxillo O‘rinboyev, 10. Islom Isoqjonov, 16. Jasur Hasanov, 55. Akbar Ismatullayev, 77. Muhammad Isayev, 88. Abror Husinov (20. Dilyor Ermatov-65), 90. Zafar To‘rayev (91. Pavel Smolyachenko-85).
«Qo‘qon-1912»: 1. O‘tkir Yusupov, 5. G‘iyos Komilov, 9. Nosir Otaqo‘ziyev (s), 10. Javohir Sidiqov, 17. Quvondiq Ro‘ziyev (18. Bahodir Pardayev-71), 19. Suhrob Berdiyev, 22. Murod Holmuhammedov, 23. Aleksandr Merzlyakov (7. Jamshid Hasanov-86), 55. Darko Gojkovich, 65. Marko Milich, 96. Muhammadanas Hasanov (95. Milan Spremo-46).
Hakamlar: V. Agishev (Toshkent), T. Galeev (Toshkent), A. Sidorov (Toshkent), B. Yulcharayev (Guliston).
Nazoratchi – I. Nexochin (Namangan).
Komissar: R. Chernikov.