Kecha Superliganing 3-tur uchrashuvlariga start berilgan edi.
Kecha mazkur tur doirasida ikkita o‘yin bo‘lib o‘tdi va unda "Buxoro" o‘z maydonida "So‘g‘diyona"ni 3:0 hisobida taslim etgan bo‘lsa, "Metallurg" o‘z muxlislari qarshisida "Qo‘qon-1912" jamoasini kichik hisobda mag‘lubiyatga uchratdi.
Bugun ushbu tur doirasida yana ikkita o‘yin bo‘lib o‘tadi. Unda Farg‘onaning "Neftchi" jamoasi poytaxtning "Bunyodkor" futbolchilarini mehmon qilishadi. Bu mavsum hali bironta o‘yinda mag‘lub bo‘lmagan ikki jamoa o‘rtasidagi kurashga bo‘lgan qiziqish baland.
Shuningdek, Namanganda bo‘lib o‘tadigan "Navbahor"-"Lokomotiv" to‘qnashuviga bugun salkam 22 ming muxlis tashrif buyurisha haqida biz avvalroq xabar bergan edik. Mazkur jamoalar ayni damda bu mavsum mag‘lubiyatga uchrashgani yo‘q va ular turnir jadvalida kuchli to‘rtlikda borishmoqda.
18:00. Superliga. Neftchi - Bunyodkor
20:00. Superliga. Navbahor - Lokomotiv
