“Nasaf” bugun Navoiy shahrida Superliganing 3-tur uchrashuvida “Qizilqum” jamoasi bilan kuch sinashadi. Uchrashuv “Yoshlar sport majmuasi”da bo‘lib o‘tadi va soat 20:00da boshlanadi.

Bugun o‘yin oldidan har ikkala klub rasmiylari ishtirokida miting bo‘lib o‘tdi. Unda odatdagidek uchrashuvni o‘tkazish bo‘yicha bir qator tashkiliy masalalar muhokama qilindi.

Shuningdek jamoalar bugungi uchrashuvda qanday liboslarda maydonga tushishi ham aniq bo‘ldi.

Unga ko‘ra, “Nasaf”  bugun qizil rangli  liboslarda maydonga tushadi. “Qizilqum” jamoasi esa maydonda oq liboslarda harakat qilishadi.