AGMK bilan uchrashuvdan keyin "Paxtakor" bosh murabbiyi matbuot anjumanida savollarga javob berdi.

Shota Arveladze: - Raqib jismoniy imkoniyat yordamida o‘ynaydi. Ular asosan standart vaziyatlarda xavfli harakat qilishadi. AGMK 5 himoyachi taktikasida o‘ynashi tufayli ularga qarshi bahsda vaziyatlar yaratish mushkul. Ular "Bunyodkor" bilan o‘yinda ham, o‘z maydonida kechgan "Navbahor"ga qarshi bellashuvda ham himoyaviy o‘yin ko‘rsatishgandi.

Birinchi bo‘limda juda yaxshi o‘ynadik va gol urish ko‘p imkoniyatlarga ega bo‘ldik. Bemalol uchinchi va to‘rtinchi golni ursak bo‘lardi, ammo bunday bo‘lmadi.

Futbolda bir xato barchasini o‘zgartirib yuborishi mumkin. Tanaffusdan so‘ng jamoa yaxshi va yomon harakat qilgan holatlar uchradi. Bugungi bahsda muhim 3 ochkoni qo‘lga kiritdik.