"Paxtakor"ning 9 o‘yinchisi turli terma jamoalar safiga taklif etildi.
O‘zbekiston milliy terma jamoasi tarkibiga Eldor Suyunov, Akmal Shorahmedov, Sherzod A’zamov, Jaloliddin Masharipov va Jasur Yaxshiboyev taklif etildi. Ular 23 va 27 mart kunlari Marokashda Senegal hamda Marokash terma jamoalariga qarshi o‘rtoqlik uchrashuvlarida ishtirok etishadi.
Olimpiya termasi chaqirilgan Hojiakbar Alijonov va Doston Ibrohimov yurtimizda 23 va 26 mart kunlari Keniya olimpiya terma jamoasi bilan o‘yinlarda maydonga tushishadi.
Himoyachi Marko Simich esa Chernogoriya safida Kipr hamda Turkiyaga qarshi bellashuvlarda qatnashadi.
Hujumchi Ismoil Gonsalvesh Gvineya-Bissau terma jamoasi tarkibida 22 va 26 mart kunlari Burkina-Faso va Kongo-Brazzavilga qarshi Fransiyada o‘rtoqlik o‘yinlarida maydonga tushadi.
Futbolchilar ishtirok etadigan o‘yinlar ro‘yxati:
22 mart
Gvineya-Bissau - Burkina-Faso
23 mart
Kipr - Chernogoriya
Senegal - O‘zbekiston
O‘zbekiston (olimpiya) - Keniya
26 mart
Gvineya-Bissau - Kongo-Brazzavil
O‘zbekiston (olimpiya) - Keniya
27 mart
Chernogoriya - Turkiya
Marokash - O‘zbekiston
