"Atletiko" klubi va Fransiya terma jamoasi hujumchisi Antuan Grizmann Rossiyada o‘tadigan jahon chempionatigacha kelajagi borasida bir qarorga kelishini aytdi.
"Kelajagim borasida jahon chempionatigacha bir qarorga kelaman. MUsobaqaga toza kalla bilan bormoqchiman. Masala mening qayerda o‘ynashimni bilmasligimda emas. Shunchaki, qo‘qqis qo‘ng‘iroqlar meni chalg‘itishi mumkin. Shuning uchun Madridda qolamanmi yoki aksincha, buni Rossiyaga jo‘nab ketguncha hal qilaman deb singlimga aytdim", - deydi Grizmann.
