Ayollar futboli ham, futzal sport turi ham shu paytgacha alohida assosiasiya sifatida faoliyat yuritib kelganligidan, O‘FAdagi islohotlar tufayli barchasi bir tom ostiga to‘planganidan xabaringiz bor. Yangicha tahrirdagi Reglamentga asosan ayollar va futzal musobaqalari ham Superliga klublari qoshiga biriktirilib, shu nom ostida musobaqalashadigan bo‘ldi.
“Sevinch” huquqiy tomondan “Nasaf” klubiga tegishli, ammo o‘zining alohida shonli yo‘li bor. Tashkil topganiga 15 yil bo‘ldi, ammo shundan o‘n ikkitasida chempionlikni qo‘lga kiritgan, ikki marotaba kumush va atigi bir marotaba bronza medali bilan kifoyalangan. Mamlakat Kubogining to‘qqiz karra chempioni, uch marotaba o‘tkazilgan Superkubok o‘yinining ikkitasi g‘olibi. Futzal, plyaj bo‘yicha yutuqlari esa undan-da ziyod.
Vladislav Xan shogidlari bu yil ham “Sevinch” nomi ostida “Nasaf” klubi sharafini himoya qilar ekan, ilk bor tashkil etilayotgan Superliga musobaqasining dastlabki mavsumidayoq “Nasaf” va “Sevinch” sharafini munosib himoya qilib, birinchi chempioni bo‘lishni maqsad qilgan.
Qashqadaryo futzalining ham o‘ziga xos tarixi bor. O‘z davrida “Koson-YOg‘”, “Do‘stlik-AIN” klublari mamlakat chempionatlarida viloyat sharafi uchun maydonga tushgan. Ayniqsa, “Do‘stlik-AIN” jamoasi medallar uchun kurashgan yillar ham bo‘ldi. Bu yildan esa “Nasaf” alohida, shakllangan holda chempionatga kirib kelyapti...
Ayollar futboli bo‘yicha:
“Sevinch” professional futbol klubi 2003 yilda tashkil topgan. Qarshi shahridagi “Geolog” stadionida jamoa a’zolarining yashashi va mashg‘ulotlari uchun barcha sharoitlar yaratilgan: talabga javob beruvchi stadion, maydon, sport zal, yotoqxona, oshxona, suzish xavzasi, qumli maydoncha, trenajer zal...CHempionatda raqiblarini ham shu stadionda qabul qiladi. Sport kiyimlari va jihozlari bo‘yicha muammo yo‘q. Har yili yangi o‘yin liboslari bilan ta’minlanadi. Klubning hatto Superliganing aksari vakillari havas qilsa arzigudek ikkita avtobusi va bitta yengil avtomashinasi xizmatda.
Jamoa Superligada ishtirok etish uchun quyidagi tarkibni ro‘yxatdan o‘tkazgan:
Bosh murabbiy Vladislav Xan 24.11.1956
Yordamchi murabbiy Bahrom Norsafarov 24.02.1966
Darvozabonlar murabbiyi Yelena Belova 06.05.1985
Jismoniy tayyorgarlik bo‘yicha murabbiy Dmitriy Smirnov 07.04.1986
Jamoa ma’muri Dmitriy Konyarov 01.07.1980
Jamoa shifokori O‘ktam Eshmurodov 23.09.1957
Massajchi Yulduz Qo‘yliyeva 22.11.1981
Ro‘yxat ilova qilinmoqda
Darvozabonlar
Laylo Tilavova 08.03.1997
Maftuna Jonimqulova 26.07.1999
Himoyachilar
Oliya Ahmedova 14.08.1985
Maftuna Shoyimova 01.01.1999
Shaxnoza Shokirova 10.04.1999
Shodiya Tosheva 14.05.1997
Maftuna Panjiyeva 11.09.1999
So‘g‘diyona Allamurodova 03.01.2001
Gulhayyo Mannaboyeva 04.07.1998
Laylo Shodiyeva 26.03.2000
Laylo Tosheva 15.08.2000
Yarim himoyachilar
Shaxnoza Qurbonova 01.05.2000
Sevara Normurodova 01.03.1999
Tanzilya Zarbiyeva 08.02.1991
Malika Burxonova 22.02.1998
Hujumchilar
Nilufar Qudratova 05.06.1997
Feruza Boboxo‘jayeva 05.10.1999
Gulzoda Amirova 13.10.1999
Barcha futbolchilar mahalliy qizlardan tashkil topgan. Jamoaning maqsadi – chempion bo‘lish.
Futzal bo‘yicha:
“Nasaf” futzal jamoasi 2018 yilning yanvar oyida tashkil etildi. Ayni paytda futzalchilar baza sifatida klubning “Sputnik” qo‘rg‘onidagi majmuasidan foydalanmoqda. Yotoqxona va oshxona masalasi bo‘yicha mazkur majmuadan foydalanishsa, mashg‘ulotlarini “Geolog” sport majmuasi zalida olib borishadi. Chempionatda raqiblarini ham aynan “Geolog”dagi zamonaviy, qishin-yozin musobaqa o‘tkazish imkoniyati yaratilgan sport zalda qabul qilishadi. Avtobus, sport kiyimlari va jihozlari bilan to‘liq ta’minlangan.
“Nasaf” Superligada ishtirok etadigan tarkibni quyidagicha shakllantirmoqda:
Bosh murabbiy Xolbek Yo‘ldoshev 08.08.1981
Murabbiy Oybek Polvonov 30.12.1987
Murabbiy asisenti Alisher Yusupov 12.04.1984
Ma’mur Ulug‘bek Majitov 14.07.1989
Darvozabonlar
Muzaffar Sharipov 28.07.1997
Javohir Ochilov 25.04.1994
Timur Haydarov 15.09.1999
O‘yinchilar
Elnur Joriyaqulov 05.03.2001
Shohruh Norqulov 25.09.2000
Mamasharif Xalimov 17.12.1992
Sunnatulla Jo‘rayev 24.12.1994
Shohjahon Ma’rufov 08.09.1995
Javohir Ashurov 19.08.1992
Rustam Jo‘rayev 12.09.1992
Xurshid Rahimov 09.07.1997
Saddam To‘xtayev 19.03.1999
Tohir Abdurazzoqov 07.06.1991
Samandar Ochilov 16.11.1995
Jasur Xalimov 20.02.1995
Futzalchilarning bari mahalliy yigitlar. Jamoa dastlabki mavsumda tarkibni shakllantirish va imkon qadar yuqori pog‘onalardan joy egallashni ko‘zlamoqda.
