Xorvatiyaning «Marsoniya» klubi futbolchisi Bruno Boban ko‘kragiga to‘p tekkanidan so‘ng, hushidan ketib, olamdan o‘tgan edi.

Index nashri xabariga ko‘ra, tibbiy tahlillar natijasida, Boban yurak xurujidan so‘ng vafot etgani aniqlangan.

Eslatib o‘tamiz, fojia Xorvatiyaning nufuzi jihatdan uchinchi ligasi sanalgan chempionat doirasidagi «Marsoniya» va «Slavoniya» jamoalari o‘rtasidagi uchrashuv vaqtida ro‘y berdi. O‘yinning 25-daqiqasida Bruno Bobanning ko‘kragiga to‘p kelib tegdi, u biroz vaqt o‘tib maydonda cho‘kkalab qoldi va hushini yo‘qotdi.

Klub shifokori darhol birinchi yordamni ko‘rsatgan, biroz o‘tib stadionga yetib kelgan tez yordam mashinasi uni shifoxonaga olib borgan. Biroq ko‘rsatilgan yordamlar foyda bermagan va futbolchi hayotdan ko‘z yumgan. Bugun, 26 mart kuni uni dafn qilish marosimi o‘tkazildi.