O‘zbekiston olimpiya terma jamoasi Keniya olimpiya terma jamoasiga qarshi ikkinchi o‘rtoqlik o‘yinida maydonga tushdi. Farg‘onadagi "Istiqlol" stadioniga yig‘ilgan muxlislar ancha qiziqarli o‘yin guvohiga aylanishdi. Olimpiyachilarimiz o‘zbekistonlik futbol ishqibozlarga quvonch ulashish maqsadida jiddiy ter to‘kishdi va yakunda o‘z maqsadlariga erishishdi.

Qizg‘in kechgan uchrashuvda vakillarimiz uzoq vaqt raqib darvozasini ishg‘ol qila olishmadi. Hakam o‘yindagi to‘xtalishlar uchun o‘yinga 7 daqiqa vaqt qo‘shib berdi.

Hakam tomonidan qo‘shib berilgan so‘nggi daqiqada Azizjon G‘aniyev o‘ng qanotdan yetkazib bergan uzatmani Doston Tursunov boshi bilan aniq zarba yo‘llab, uchrashuvda hisobni ochdi va O‘zbekiston OTJ g‘alabasini ta’minladi.

O‘rtoqlik o‘yini
O‘zbekiston OTJ - Keniya OTJ 1:0
Gol: Doston Tursunov (90+7)
Ogohlantirishlar: Abdujamol Isroilov (67), Doston Tursunov (90+8)
O‘zbekiston OTJ: 21.Rahimjon Davronov (Umid Ergashev 63), 2. Islom Qobilov, 3. Hojiakbar Alijonov, 5. Abbos Otaxonov (SHarof Muhiddinov 68), 6. Azizjon G‘aniyev, 20. Doston Tursunov, 13. Aziz Turg‘unboyev (Suhrob Nurulloyev 68), 23.Nurillo To‘xtasinov (Oston O‘runov 63), 17.Abdujamol Isroilov, 9. Zabihillo O‘rinboyev (Islom Kenjaboyev 46), 10.Bobir Abdixoliqov (Andrey Sidorov 68).
Keniya OTJ: 18.Ojvang Timoti Odxiambo, 14.Mayk Evans Kibvage, 12.Omvenga Timti Balton, 3.Okumu Yozef Stenli, 2.Amai Atariza, 8.Yida Sven, 19.Ibrohim Shambi Ramazoni, 16.Odnenyi Jafari Ovitti, 7.Kasuti Kliff Koroboi, 15.Oginga Berard Ochiyeng, 9.Mutamba Pistone Vunyoli