Ўзбекистон олимпия терма жамоаси Кения олимпия терма жамоасига қарши иккинчи ўртоқлик ўйинида майдонга тушди. Фарғонадаги "Истиқлол" стадионига йиғилган мухлислар анча қизиқарли ўйин гувоҳига айланишди. Олимпиячиларимиз ўзбекистонлик футбол ишқибозларга қувонч улашиш мақсадида жиддий тер тўкишди ва якунда ўз мақсадларига эришишди.

Қизғин кечган учрашувда вакилларимиз узоқ вақт рақиб дарвозасини ишғол қила олишмади. Ҳакам ўйиндаги тўхталишлар учун ўйинга 7 дақиқа вақт қўшиб берди.

Ҳакам томонидан қўшиб берилган сўнгги дақиқада Азизжон Ғаниев ўнг қанотдан етказиб берган узатмани Достон Турсунов боши билан аниқ зарба йўллаб, учрашувда ҳисобни очди ва Ўзбекистон ОТЖ ғалабасини таъминлади.

Ўртоқлик ўйини
Ўзбекистон ОТЖ - Кения ОТЖ 1:0
Гол: Достон Турсунов (90+7)
Огоҳлантиришлар: Абдужамол Исроилов (67), Достон Турсунов (90+8)
Ўзбекистон ОТЖ: 21.Раҳимжон Давронов (Умид Эргашев 63), 2. Ислом Қобилов, 3. Ҳожиакбар Алижонов, 5. Аббос Отахонов (Шароф Муҳиддинов 68), 6. Азизжон Ғаниев, 20. Достон Турсунов, 13. Азиз Турғунбоев (Суҳроб Нуруллоев 68), 23.Нурилло Тўхтасинов (Остон Ўрунов 63), 17.Абдужамол Исроилов, 9. Забиҳилло Ўринбоев (Ислом Кенжабоев 46), 10.Бобир Абдихолиқов (Андрей Сидоров 68).
Кения ОТЖ: 18.Ожванг Тимоти Одхиамбо, 14.Майк Эванс Кибваге, 12.Омвенга Тимти Балтон, 3.Окуму Йозеф Стенли, 2.Амаи Атариза, 8.Йида Свен, 19.Иброҳим Шамби Рамазони, 16.Одненйи Жафари Овитти, 7.Касути Клифф Коробои, 15.Огинга Берард Очиенг, 9.Мутамба Пистоне Вунйоли