Kataloniyaning “Barselona” klubi rahbariyati “Atletiko” jamoasi hujumchisi Antuan Grizmanni yozgi transferlar vaqtida o‘z saflariga qo‘shib olish rejasini tuzib chiqishdi.
Avvalroq, “anorranglilar” Antuan uchun 100 million yevrodan voz kechishga tayyor ekanilgini ma’lum qilishgandi. Ammo, bu transfer amalga oshmay qolgan.
Shu bois Kataloniya jamoasi rahbariyati Grizmann uchun ko‘proq mablag‘ to‘lashga qaror qildi. Lekin, bu mablag‘ni naxt emas balki, ikkita futbolchi bilan qoplashmoqchi.
Hozircha bu futbolchilar kim ekanligi ma’lum qilinmadi. “Barselona” xodimlari Grizmanni JCH–2018 musobaqasiga qadar o‘z saflariga qo‘shib olishni maqsad qilishgan.
Eslatib o‘tamiz, avvalroq fransiyalik hujumchi “Barselona”ga o‘tish uchun o‘z maoshini pasaytirishlariga ham rozi ekanligini aytgandi.
