“Ko‘hna qit’a” yangi futbol mavsumi yangi qoidalar bilan start oladi. UYEFA bir qator qoidalarga o‘zgartirish kiritdi.
2018-2019 yilgi mavsumdan boshlab, Yevropa chempionlar ligasi, Yevropa ligasi va Superkubok bahslari qo‘shimcha vaqtlargacha davom etsa, to‘rtinchi o‘yinchi almashtirishga ruxsat berildi.
Bundan tashqari, UYEFA bayonotiga ko‘ra, chempionlar ligasi, Yevropa ligasi hamda Superkubokning final o‘yinlarida jamoalar tarkibida 18 nafar emas, 23 futbolchi qayd etilishi belgilab qo‘yildi.
Ya’ni yuqorida nomlari aytilgan musobaqalarning finalida maydonga tushadigan klublarning zaxira o‘rindig‘ida yangi mavsumda 7 emas, balki 12 futbolchi o‘tiradi.
Shuningdek, Yevropa chempionlar ligasi uchrashuvlarining boshlanadigan soatiga ham o‘zgartirish kiritildi.
Shu paytgacha, o‘yinlar Yevropa vaqti bilan 20:45 da boshlanardi. Endi yangi mavsumdan boshlab, o‘yinlar vaqti 21:00 etib belgilandi.
Ya’ni, Toshkent vaqtiga ko‘ra, Yevropa chempionlar ligasi o‘yinlari tungi soat 00:00 da start oladi.
