Bugun “Nasaf” yoshlari Bekobodning “Metallurg” jamoasi yoshlari bilan kuch sinashdi. Uchrashuvda 1:1 hisobidagi durang qayd etildi.
Uchrashuvda dastlab “Metallurg” jamoasi hisobda oldinga o‘tib oldi. 33-daqiqada himoyachimiz Jo‘rabek Mannonov Pavel Purishkinni jarima maydonchamizda to‘xtatib qoldi. Hakam mehmonlarga 11 metrlik jarima to‘pi tepishni ko‘rsatdi va Mannonovni sariq kartochka bilan “siyladi”. Penaltini Jamshid Yusupov bexato amalga oshirdi – 0:1.
Uchrashuvning birinchi bo‘limi yakunlanib borayotganda, ketma-ket tashkil etgan hujumlarimizning navbatdagisi o‘z samarasini berdi. “Metallurg” jamoasi yoshlarining himoyada tartibsiz harakatidan Samandar Shukrullayev unumli foydalandi va hisobni tenglashtirdi – 1:1. Birinchi bo‘lim ana shu hisobda yakuniga yetdi.
Ikkinchi bo‘limda yoshlarimiz ancha faol o‘ynashdi. Bu orqali ko‘plab golli vaziyatlarga ega ham bo‘lishdi. Ammo gol urishda hech bir futbolchimizga omad yetishmadi.
Shunday qilib, bugungi uchrashuv 1:1 hisobidagi durang natija bilan nihoyasiga yetdi.
Navbatdagi tur uchrashuvini jamoamiz 6 aprel kuni safarda “Navbahor” yoshlariga qarshi o‘tkazishadi.
Yoshlar ligasi, 4-tur
“Nasaf” (Qarshi) – “Metallurg” (Bekobod) 1:1
29.03.2018. “Geolog” stadioni. 16:30da
Hakamlar: Dmitriy Klepikov (Toshkent), Artyom Kalinin (Qarshi), Ashur Doniyorov (Qarshi), Ravshan Abduvohidov (Qarshi)
Nazoratchi: Radik Serazetdinov (Toshkent)
Uchrashuv komissari: Sardor Qudratullayev.
Gollar: Samandar Shukrullayev, 41’-1:1 – Jamshid Yusupov (pen.), 34’-0:1
“Nasaf”: 65.Mashhurjon Muhammadjonov (1.Umidjon Ergashev 46), 4.Jo‘rabek Mannonov (s), 7.Xudoyorxon Sag‘dullayev (17.Muhriddin Zoirov 57), 9.SHerzod Temirov, 14.Akmal Mozgovoy, 15.SHerzod Nasrullayev, 16.Navro‘z Izatillayev, 19.Dadajon Mamatqulov (20.Jahongir Qurbonboyev 46), 28.Sardor Sadullayev (22.Ma’ruf Jumayev 46), 32.G‘olib G‘aybullayev, 34.Samandar Shukrullayev (38.Temur Komiljonov 71).
Zaxira: 35.Alijon Axmatov, 43.Otabek Komiljonov.
“Metallurg”: 25.Timurbek To‘ychiyev, 4.Andrey Shipilov, 7.Jamshid Yusupov (s) (21.Husniddin Saloydinov 84), 8.Abdulboriy Olimov, 9.Saidjamol Davlatjonov (2.Farrux Siddiqov 46), 10.Doniyor Hoshimov (19.Baxromjon Soatov 70), 13.Abdulloh Islomov, 14.Abror Toshqo‘ziyev, 17.Sarvar Sattorov. 18.Pavel Purishkin (11.Muhammadjon Sultonov 46), 20.Xudoyshukur Sattorov.
Zaxira: 35.Akobir Qayumov, 5.Timur Mamatmurodov, 22.Asosmiddin Abdurahmonov.
Ogohlantirish: Jo‘rabek Mannonov (33) – Jamshid Yusupov (82), Andrey Shipilov (86).
