Ispaniyaning “AS” nashri jurnalisti yaqin 10 yilda “Oltin to‘p”ni kimlar qo‘lga kiritishi mumkinligini taxmin qildi. U bunda “Fifa18” o‘yinidan foydalandi.
Natijalardan ma’lum bo‘lishicha, Ronaldu va Messi gegemonligi keyingi yili yakuniga yetadi. Messi “Oltin to‘p”ni boshqa qo‘lga kiritmaydi, Ronaldu esa keyingi yili “Oltin to‘p” sohibiga aylanadi.
2020 yilda esa mazkur sovrin Robert Levandovskiga nasib etadi. Undan so‘ng Neymar, keyin esa Antuan Grizmann “Oltin to‘p” sohibiga aylanadi. Grizmann bu sovringa ketma-ket 2 yil ega chiqadi.
Kutilmagan ma’lumotlardan biri shu bo‘ldiki, 2026 yilga kelib “Oltin to‘p” ayni paytda “Betis”da o‘ynayotgan paragvaylik hujumchi Antonio Sanabriaga nasib etargan, Sanabria o‘sha paytda “Milan” a’zosiga aylanarkan. Eng fantastik natija esa 2029 yilgi “Oltin to‘p”ning himoyachi Aksel Tuanzebega nasib etishi bo‘ldi.
Xullas, yakuniy natijalarga ko‘ra quyidagi futbolchilar yaqin 10 yilda “Oltin to‘p” sohibiga aylanisharkan:
2019 - Krishtianu Ronaldu (Real Madrid)
2020 - Robert Levandovski (Bavariya Myunxen)
2021 - Neymar (PSJ)
2022 – Antuan Grizmann (Atletiko)
2023 – Antuan Grizmann (Atletiko)
2024 – Mauro Ikardi (Real)
2025 – Gabriel Jezus (Man Siti)
2026 – Antonio Sanabriya (Milan)
2027 – Anxel Korrea (Real)
2028 – Oskar Kardozo (Barselona)
2029 - Aksel Tuanzebe (Everton)
