Испаниянинг “AS” нашри журналисти яқин 10 йилда “Олтин тўп”ни кимлар қўлга киритиши мумкинлигини тахмин қилди. У бунда “Fifa18” ўйинидан фойдаланди.
Натижалардан маълум бўлишича, Роналду ва Месси гегемонлиги кейинги йили якунига етади. Месси “Олтин тўп”ни бошқа қўлга киритмайди, Роналду эса кейинги йили “Олтин тўп” соҳибига айланади.
2020 йилда эса мазкур соврин Роберт Левандовскига насиб этади. Ундан сўнг Неймар, кейин эса Антуан Гризманн “Олтин тўп” соҳибига айланади. Гризманн бу совринга кетма-кет 2 йил эга чиқади.
Кутилмаган маълумотлардан бири шу бўлдики, 2026 йилга келиб “Олтин тўп” айни пайтда “Бетис”да ўйнаётган парагвайлик ҳужумчи Антонио Санабриага насиб этарган, Санабриа ўша пайтда “Милан” аъзосига айланаркан. Энг фантастик натижа эса 2029 йилги “Олтин тўп”нинг ҳимоячи Аксел Туанзебега насиб этиши бўлди.
Хуллас, якуний натижаларга кўра қуйидаги футболчилар яқин 10 йилда “Олтин тўп” соҳибига айланишаркан:
2019 - Криштиану Роналду (Реал Мадрид)
2020 - Роберт Левандовски (Бавария Мюнхен)
2021 - Неймар (ПСЖ)
2022 – Антуан Гризманн (Атлетико)
2023 – Антуан Гризманн (Атлетико)
2024 – Мауро Икарди (Реал)
2025 – Габриэл Жезус (Ман Сити)
2026 – Антонио Санабрия (Милан)
2027 – Анхель Корреа (Реал)
2028 – Оскар Кардозо (Барселона)
2029 - Аксель Туанзебе (Эвертон)
