"Inter" bosh murabbiyi Luchano Spalletti texnik direktor Valter Sabatini klubni tark etishiga qaramay, faoliyatini "neradzurri" bilan davom ettirmoqchi.
"Shartnomamni uzaytirish muammosi meni tashvishga solmaydi. Men bu yerda kelgusi yilda ham ishlashimni bilaman, shuning uchun muammo ko‘rmayapman. Menga Milan shahar sifatida, "Inter" klub sifatida yoqadi. Bu yerga ishlash uchun kelganman.
Sabatini ketayotganidan afsusdaman, chunki uning insoniylik va professonal fazilatlarini yaxshi bilaman, ammo biz umumiy maqsad ostida ishlashda davom etishimiz kerak", - deydi Spaletti.
