Superliganing 4-turidagi "Paxtakor" va "Neftchi" jamoalari o‘rtasidagi uchrashuvdan avval yig‘ilish bo‘lib o‘tdi.
Unda bellashuvni yaxshi tashkil qilishda yordam beradigan turli masalalar komissar hamda klublar vakillari tomonidan muhokama qilib o‘tildi.
"Paxtakor" bugungi bellashuvda oq rangli libosda maydonga tushishi ma’lum bo‘ldi. Jamoa darvozaboni esa yashil libosda o‘ynaydi. "Neftchi" esa ko‘k-qizil yo‘l-yo‘l liboslardan foydalanadi.
"Paxtakor" va "Neftchi" jamoalari o‘rtasidagi uchrashuv 31 mart, shanba kuni 20:00da "Paxtakor" stadionida boshlanadi.
