"Barselona" klubi Ispaniya chempionatining ushbu mavsumida dastlabki mag‘lubiyatni o‘z hisobiga yozishga juda yaqin turgandi. Ammo Valverde so‘nggi daqiqalarda 2ta gol urib, "Sevilya" maydonida 1 ochkoni olib ketishga muvaffaq bo‘lishdi.

Montella shogirdlari juda yaxshi o‘yin o‘tkazishdi. Ular uchrashuvni Messisiz boshlagan "Barselona" ustidan g‘alaba qozonishga haqli edilar. O‘yinning 36-daqiqasida mehmonlar o‘z darvozalari yaqinida Franko Vaskesni bo‘sh qoldirishdi. Natijada qanotdan yetkazilgan uzatmani futbolchi darvozaga burib qo‘ydi va hisobni ochdi.

Ikkinchi bo‘lim boshida andalusiyaliklar hisobdagi farqni oshirishdi. Serxio Eskudero tomonidan berilgan kuchli zarbani Mark-Andre ter Shtegen qaytardi. To‘pni Muriel egalladi va darvoza burchagiga aniq zarba berdi. Kichik rekoshet yordamida uning zarbasi golga aylandi.

Oradan ko‘p o‘tmasdan "Sevilya" uchinchi golni urishi mumkin edi, ammo Xesus Navas yakkama-yakka vaziyatda ter Shtegenni dog‘da qoldira olmadi.

Shundan keyin to‘la ustunlik "Barsa" tomoniga o‘tdi. Albaning uzatmasidan keyin Luis Suares o‘tkir burchak ostida kuchli zarba berdi. To‘p ustunga tegib qaytdi. O‘yin tugashiga 4 daqiqa qolganida Denis Suaresning uzatmasiga Rakitich bosh bilan zarba berdi. To‘p yana ustunga tegdi.

Bahs tugashiga 2 daqiqa qolganida kataloniyaliklar burchak to‘pini o‘yinga kiritishdi. Alkaser bosh bilan to‘p yo‘nalishini o‘zgartirdi va Luis Suares esa darvozani zabt etdi. Oradan 1 daqiqa o‘tib Koutinyo chap qanotdan bergan pasini zaxiradan tushgan Messi darvozaga joylab qo‘ydi — 2:2.

Ispaniya La ligasi, 31-tur
Sevilya – Barselona 2:2 (1:0, 1:2)
Gollar: 1:0 – 36 Vaskes, 2:0 – 50 Muriel, 2:1 – 88 Suares, 2:2 – 89 Messi.
Sevilya – Riko, Kyer, Eskudero, Merkado (Layyun, 46), Langle, Nzonzi, Banega, Vaskes, Navas (Nolito, 81), Korrea (Pisarro, 72), Muriel.
Barselona – ter Stegen, Umtiti, Pike, Alba, Serdji Roberto, Inyesta (Pako Alkaser, 81), Rakitich, Koutinyo, Paulinyo (Denis Suares, 77), Dembele (Messi, 58), Suares.
Ogohlantirishlar: Merkado (34), Riko (44).