Bugun Osiyo chempionlar ligasi 5-tur doirasidagi “Nasaf” hamda Eronning “Persepolis” jamoalari o‘rtasidagi uchrashuv oldidan bir qator rasmiy tadbirlar bo‘lib o‘tadi.
Jumladan, bugun har ikkala klub vakillari ishtirokidagi o‘yinoldi matbuot anjumanlari ham bo‘lib o‘tadi.
Dastlab soat 12:00da boshlanadigan matbuot anjumanida, “Persepolis” jamoasi bosh murabbiyi Branko Ivankovich hamda jamoaning 2-raqamdagi yarim himoyachisi Muhammad Ansorilar ishtirok etishadi.
Vakillarimiz ishtirokidagi matbuot anjumani soat 12:30da boshlanadi. Unda "Nasaf" ustozi Ro‘ziqul Berdiyev hamda himoyachi Igor Golbanlar ishtirok etishadi.
Har ikkala klub rasmiylari ishtirokidagi miting soat 13:00da boshlanadi. Unda uchrashuvni o‘tkazish bo‘yicha tashkiliy masalalar muhokama qilinadi. Shuningdek mitingda ertaga bo‘ladigan uchrashuvda, jamolar qanday liboslarda maydonga tushishiga ham aniqlik kiritiladi.
Bugun “Nasaf” hamda “Persepolis” jamoalari “Markaziy” stadionda o‘yinoldi rasmiy mashg‘ulotlarini ham o‘tkazishadi.
“Nasaf” jamoasi rasmiy mashg‘ulotni soat 18:30 boshlaydi.
Mehmonlar esa soat 19:30da rasmiy mashg‘ulotini boshlaydilar.
O‘yinoldi rasmiy mashg‘ulotlarining dastlabki 15 daqiqasini OAV vakillari kuzatishlari ruxsat etiladi.
OCHL-2018da akkreditasiyadan o‘tgan barcha jurnalistlarni ushbu tadbirlarga taklif etib qolamiz.
