Бугун Осиё чемпионлар лигаси 5-тур доирасидаги “Насаф” ҳамда Эроннинг “Персеполис” жамоалари ўртасидаги учрашув олдидан бир қатор расмий тадбирлар бўлиб ўтади.

Жумладан, бугун ҳар иккала клуб вакиллари иштирокидаги ўйинолди матбуот анжуманлари ҳам бўлиб ўтади.

Дастлаб соат 12:00да бошланадиган матбуот анжуманида, “Персеполис” жамоаси бош мураббийи Бранко Иванкович ҳамда жамоанинг 2-рақамдаги ярим ҳимоячиси Муҳаммад Ансорилар иштирок этишади.

Вакилларимиз иштирокидаги матбуот анжумани соат 12:30да бошланади. Унда "Насаф" устози Рўзиқул Бердиев ҳамда ҳимоячи Игор Голбанлар иштирок этишади.

Ҳар иккала клуб расмийлари иштирокидаги митинг соат 13:00да бошланади. Унда учрашувни ўтказиш бўйича ташкилий масалалар муҳокама қилинади. Шунингдек митингда эртага бўладиган учрашувда, жамолар қандай либосларда майдонга тушишига ҳам аниқлик киритилади.

Бугун “Насаф” ҳамда “Персеполис” жамоалари “Марказий” стадионда ўйинолди расмий машғулотларини ҳам ўтказишади.

“Насаф” жамоаси расмий машғулотни соат 18:30 бошлайди.

Меҳмонлар эса соат 19:30да расмий машғулотини бошлайдилар.

Ўйинолди расмий машғулотларининг дастлабки 15 дақиқасини ОАВ вакиллари кузатишлари рухсат этилади.

ОЧЛ-2018да аккредитациядан ўтган барча журналистларни ушбу тадбирларга таклиф этиб қоламиз.