Assalomu alaykum qadrli vohamizning aziz muxlislari! Bugun sevimli “Nasaf” jamoamiz oldida muhim uchrashuv turibdi. Sevimli jamoamiz OCHL-2018 5-tur uchrashuvida Eronning “Persepolis” jamoasiga qarshi o‘ynaydi. Uchrashuv soat 19:30da boshlanadi.

Biz jonkuyar muxlislar jamoamizni yolg‘izlatib qo‘ymasdan, “MARKAZIY” stadionga tashrif buyurib, bir yoqadan bosh chiqarib, sevimli jamoamizga dalda bo‘lishimiz talab etiladi. Biz muxlislar bugun sevimli jamoamizning 12-o‘yinchisi rolini bajarib berishimiz talab etiladi. Aslida Erondagi jamoamizning mag‘lubiyatida biz yetishmaganligimiz sabab bo‘lgan. Bugun bizda katta imkoniyat bor, bugun yigitlarimiz bizning ko‘z oldimizda o‘ynashadi. Biz ular bilan yonma-yon turamiz. Daldamiz yigitlarimizga kuch beradi.

Biz sevimli jamoamizga ishonamiz! “Ajdarlar”larimiz bugun ham bizga quvonch hadya etishadi, bunga shubhamiz yo‘q!

Shunday ekan, “Markaziy”ga keling! “Nasaf” jamoamizni qo‘llab-quvvatlang! Amir Temur bobomiz avlodlarining nimalarga qodirligini raqibimizga ko‘rsatib qo‘yyaylik. OLG‘A “AJDARLAR”!!!

“NASAF” PFK muxlislar klubi a’zolari