«Yuventus» klubi bosh murabbiyi Massimiliano Allegri YECHL 1/4 final «Real» jamoasiga qarshi o‘yin oldidan o‘tgan yilgi Kardiffda bo‘lgan finalni eslab o‘tdi.
«Bugun biz chempionlar ligasining doimiy ishtirokchisi, 2011 yildan buyon kamida yarim finalga chiqqan jamoaga qarshi o‘ynaymiz. Shunday kuchli jamoani mag‘lub etish «Yuventus»ni juda ham ruhlantirgan bo‘lar edi. Maqsadimiz bir saviyada futbol o‘ynab g‘alaba qozonish.
Madridliklar ikki-uch to‘p uzatish bilan bizning jarima maydonga kirishi mumkin, shuning uchun ham juda ehtiyotkor bo‘lishimiz va himoyadan qarshi hujumga tezroq chiqish lozim.
Kardiffda ikkinchi bo‘lim ilk 15 daqiqada biz ruhan sindik va taslim bo‘ldik. «Real» esa ikkinchi goldan keyin bizning darvozaga uchinchisini ham kiritdi. Bu safar barcha holatda oxirigacha harakat qilamiz», - deydi Allegri.
