Yangi formatda tashkil etilayotgan Pro-liganing dastlabki tur uchrashuvlariga  6 aprel kuni start berilishidan xabaringiz bor. Shu kuni «Andijon» jamoasi o‘z maydonida «Mash’al» klubini qabul qiladi.

Pro-liganing 1-tur juftliklari orasida aynan «Andijon» hamda «Mash’al» jamoalari o‘rtasidagi qarama-qarshilik turning markaziy o‘yini sifatida e’tirof etilmoqda. Boisi ikkala klub ham Pro-liganing favoritlari hisoblanadilar va shunga mos ravishda Superligaga yo‘llanmani qo‘lga kiritish uchun ham asosiy da’vogarlar ekanligi hech kimga sir emas.

Muxlislar mazkur o‘yinni intiqlik bilan kutishmoqda. Shunga yarasha muhim bellashuv oldidan «Andijon» jamoasi ham «Mash’al»ga qarshi astoydil tayyorgarlik ko‘rmoqda. Jamoa a’zolari butun mavsum uchun o‘quv-mashg‘ulot yig‘inlarini o‘tkazishdi va endilikda 1-tur o‘yini uchun alohida shug‘ullanilmoqda.

Bosh murabbiy Eldor Sakayev «Mash’al»ga qarshi o‘yin uchun alohida taktik uslublarni qo‘llashi kutilmoqda. gi bo‘lib o‘tgan mashg‘ulotda ham futbolchilar «Mash’al»ga qarshi o‘yin uchun maxsus taktik uslublar ustida ishladilar. Ko‘rinib turibdiki, «Andijon» klubi ustozining ushbu o‘yin uchun alohida o‘ylab qo‘ygan rejasi bor. Shuni ham alohida ta’kidlash kerakki, futbolchilar mashg‘ulotlarda katta ishtiyoq bilan shug‘ullanmoqdalar. Har biri faqat g‘alaba haqida o‘ylamoqda va kayfiyat ham shunga yarasha yuqori darajada.

Eslatib o‘tamiz, «Andijon» - «Mash’al» o‘rtasidagi o‘yin 6 aprel kuni «Sog‘lom avlod» stadionida soat 18:00 da boshlanadi.

«Andijon» matbuot xizmati.